ҚҰРАМЫНДА ҰСАҚ ДИСПЕРСТІ ШЫНЫ ҚОЛДАНЫЛАТЫН БЕТОННЫҢ БЕРІКТІГІН ЗЕРТТЕУ

Аңдатпа

Қазіргі уақытта құрылыс практикасы тығыз және беріктігі жоғары бетондарды қамтитын жаңа буынның жоғары технологиялық бетондарын көбірек қолданумен сипатталады. Табиғи шикізат материалдарының жоғары құны жағдайында қалдықтарды олардың негізінде құрылыс материалдарын жасауда пайдаланудың жаңа мүмкіндіктерін анықтайтын ғылыми-зерттеу жұмыстары ерекше мәнге ие. Сонымен қатар, өнеркәсіптік және тұрмыстық қалдықтарды кәдеге жарату мәселесі шешілуде. Қайта өңделген шыны қалдықтарын бетон өндірісінде толтырғыш ретінде пайдалану туралы осы мақалада жүргізілген зерттеу цемент компонентінің бір бөлігін қайта өңделген ұсақ дисперсті шынының ауыстыру мүмкіндігін қарастырады. Жүргізілген зерттеулер пайдаланылатын цемент мөлшерін азайтуға ғана емес, сонымен қатар бетонның беріктік қасиеттерін арттыруға, сондай-ақ экологиялық мәселелерді ішінара шешуге мүмкіндік береді.