ҚАТТЫ ДЕНЕЛІ ДИЭЛЕКТРИКТЕРДЕГІ ҚҰРЫЛЫМНЫҢ МИКРОСКОПИЯЛЫҚ АҚАУЛАРЫНЫҢ ПАРАМЕТРЛЕРІН ӨЛШЕУДІҢ ӘМБЕБАП ӘДІСТЕМЕСІН ӘЗІРЛЕУ

Аңдатпа

Күрделі кристалды құрылымы бар диэлектриктерде (сутегі байланысы бар кристалдар (СБК); керамиканың әртүрлі сорттары; перовскиттер; сілтілі-галоидты кристалдар және т.б.) көлемді-зарядты поляризацияны қалыптастыру процестеріне қатысатын құрылымның микроскопиялық ақауларының параметрлерін өлшеу (жетілдірілген эксперименттік қондырғы негізінде) және есептеудің әмбебап әдістемесі ұсынылған. Полярсыздандырудың термоынталандырылған токтарының әдісі диэлектрлік шығындар бұрышының тангенсін өлшеумен бірге кристалдардың сутегі байланысы бар диэлектрлік спектроскопиясын (СБК) жүзеге асыруға және құрылым ақауларының қасиеттері мен параметрлерін талдауға мүмкіндік береді. ЭЕМ дыбыстық картасының көмегімен, сигналды модуляция – демодуляция әдісімен (МДМ - әдісімен), полярсыздандырудың термоынталандырылған тогын (ПТЫТ) өлшеудің автоматтандырылған схемасы әзірленді. Бұл схеманы практикалық сынақтан өткізу табиғи флогопит кристалының мысалында СБК протонды релаксацияның кинетикалық теориясының әдістерімен есептелген теориялық тәуелділіктермен салыстыру функциясын азайту әдісімен салыстырылатын ПТЫТ тығыздығының температуралық спектрін өлшеу арқылы жүргізілді. Эксперименттің қателіктерін статистикалық өңдеу арқылы компьютерлендірілген өлшеу схемасының дәлдігінің жоғары дәрежесі негізделді