Журналдың атауы: Д. Серікбаев атындағы Шығыс Қазақстан техникалық университетінің Хабаршысы.
Мақсаты: түпнұсқалық әрі бұрын жарияланбаған ғылыми зерттеу нәтижелерін жариялауға мүмкіндік беру, оларды ғылыми қауымдастықта талқылауға ықпал ету және отандық пен шетелдік ғалымдармен ғылыми ынтымақтастықты дамыту.
Міндеттері:
әртүрлі пікірлерді ескеретін заманауи ғылыми тәсілдер мен академиялық пікірталасқа негізделген жаңа көзқарастарды қалыптастыру;
қазақстандық және шетелдік авторлардың мақалаларын жариялау арқылы зерттеушілер арасында пікір алмасуға және ғылыми серіктестікті кеңейтуге ықпал ету;
беделді отандық және шетелдік сарапшыларды тарту арқылы рецензиялау мәдениеті мен сапасын арттыру;
ғылыми мақалаларға толық мәтінді қолжетімділікті қамтамасыз ету, журналдың ашықтығы мен қолжетімділігін арттыру.
Жариялау тілі: қазақ, орыс, ағылшын.
Мерзімділігі: жылына 4 рет (наурыз, маусым, қыркүйек, желтоқсан).
Меншік иесі: Д. Серікбаев атындағы Шығыс Қазақстан техникалық университеті коммерциялық емес акционерлік қоғамы.
Тақырыптық бағыты:
инженерия және инженерлік іс;
ақпараттық-коммуникациялық технологиялар;
сәулет және құрылыс.
Таралу аумағы: Қазақстан Республикасы және шетел.
Жариялау форматы: баспа және электрондық нұсқалар.
Рецензиялау түрі: қос «соқыр» рецензиялау.
Журнал шығарылымына қойылатын талаптар:
әрбір шығарылымда шетелдік авторлардың және шетел тілдерінде (соның ішінде ағылшын тілінде) мақалалар болуы тиіс;
әрбір шығарылымдағы мақалалардың кемінде 50%-ы басылыммен аффилиирленбеген авторларға тиесілі болуы тиіс;
бір шығарылымда автор бір ғана мақала жариялай алады, соавторлықты қоса алғанда;
Мақалалардың электрондық нұсқалары журналдың «Мұрағат» бөлімінде сақталады. Редакциялық алқа журнал мұрағатының сақталуын қамтамасыз етеді және жарияланған мақалалардың толық мәтініне немесе аннотацияларына ашық қолжетімділікті ұсыну құқығын өзіне қалдырады.