ТОЛЫҚТЫРЫЛҒАН ШЫНАЙЫЛЫҚ ТЕХНОЛОГИЯСЫН ЖЫЛЖЫМАЙТЫН МҮЛІК НАРЫҒЫНДА ПАЙДАЛАНУ МҮМКІНДІКТЕРІ МЕН АРТЫҚШЫЛЫҚТАРЫ

Аңдатпа

Бұл жұмыста толықтырылған шынайылықты қолдану салалары қарастырылып, зерттелді, әдеби шолу жасалды. Әдеби шолу толықтырылған шынайылықтың көп салаларда тәжірибелік қолданысқа ие, дамып келе жатқан технологиялардың бірі және таңдап алынған зерттеу тақырыбы өзекті екенін көрсетті. Толықтырылған шынайылық технологиясын жылжымайтын мүлік нарығында пайдаланудың мүмкіндіктері мен артықшылықтарын көрнекі түрде көрсету мақсатында BI Group құрылыс компаниясының төрт тұрғын үйі таңдап алынды. Бұл үйлердің толықтырылған шынайылық технологиясының көмегімен 3D моделін беретін интерактивті қосымша құрылды. Пайдаланушы интерфейсі әзірленді. Батырмалардың дұрыс жұмыс істеуін қамтамасыз ететін арнайы тоғыз скрипт жазылды. Қосымшаны қолдануға ыңғайлы болу үшін Android операциялық жүйесінде жұмыс істейтін мобильдік нұсқасы әзірленді. Қалалық инфрақұрылым жобаларында толықтырылған шынайылықтың қолдану қажеттілігі сипатталды.